網民創意真係勁，𠵱家每次大戰過後都不乏抽水改圖，惡搞一番，呢場都唔例外。拜仁CEO路明尼加賽前就話，安聯球場將會熱到連樹林都着火，皇馬嚟到就好似置身地獄一樣，結果網民就將皇馬改成一架飛機（圖），不斷放滅火劑淋熄安聯之火，機師仲係C朗嚟㖭，唔怪得連之前效力過皇馬嘅意大利中堅簡拿華路都轉載，估唔到大簡都係巴打。