【講求質素】
80年代中國開放，低廉的勞動成本吸引大量本港工業北上。於1949年創立的星光實業卻始終如一，至今仍然在新蒲崗工廠大廈生產紅A塑膠產品，貫徹「香港製造」宗旨。星光得以繼續在香港進行生產，主要原因是公司放棄低價的大眾化市場，堅持走高檔路線的產品訂價策略。
新蒲崗自置廠房 避捱貴租
星光實業業務拓展總監梁馨蘭說：「我哋唔打價格戰!如果你要求有質素、安全產品，我哋無限歡迎，你選對地方；如果你話出面街嗰啲5毫子咋，我哋做唔到！」她表示，尤其是盛載食物的膠盤，需要面對加熱環境，若產生化學揮發作用將影響食物質素。她更強調，特別是公司一直堅持作為良心企業，必須要對產品品質有很高要求。
她亦表示，「喺香港生產，品質控制可以更好，如果發現問題可以迅速應對解決」。而且新蒲崗廠房為自置物業，不怕捱貴租。
約20年前星光亦曾嘗試踏足內地市場，不過碰上不愉快經歷。她說︰「抄襲風氣太厲害，喺展覽會展出新產品，2、3日後已經仿製到一個外觀7、8成相似嘅產品，功能係點就唔知。」
星光證明香港工業有得做，惟梁馨蘭認為現時行業面對的最大問題，是年輕人不願加入工業行列。「後生仔有錯誤概念，以為工業係dirty industry」。
她希望政府能為工業多做正面宣傳，吸引更多新血入行。她強調星光入職員工薪酬，跟做文職的工作差不多；而且公司「唔興OT」，一日工作為9小時。