政改諮詢踏入倒數階段，政改三人組日日忙於見團體，但身為特首嘅狼振英，卻可以喺呢段關鍵時間放假！雖則阿爺喺政改上擺歪佢，都唔使肆無忌憚喺狼班子為政改忙到拆天時，獨自逍遙快活咁囂張啩？
狼英新年先放完假，為乜咁短時間內又話要放假？八方明查暗訪，雖然特首辦唔會透露佢行蹤，但有人踢爆，佢查實係為咗去外國飲一餐喜酒疏於香港正經事。邊家人辦喜事咁巴閉，令狼英專程請假去飲？就係何柱國同林建岳囉。事關煙仔何個仔何正德迎娶岳少愛女林恬兒，唔少兩家人嘅密友，包括唐唐、肥馬等獲邀去法國飲喜酒，但八方估唔到，連狼英夫婦都獲邀，更令外界估唔到嘅係狼英竟然賞面喎。由此可見，煙仔何同岳少喺佢心中嘅地位幾咁重要咯。