中聯辦主任張曉明喺民建聯籌款晚宴上開金口，結果一曲值1,100萬，八方聽聞唔少建制中人私下笑稱要練定《敢問路在何方》，有機會時約吓張曉明jam吓歌。唔知係咪知道張曉明一開金口千千聲，嚇到無法吸引大戶「投資」嘅狼英巧京京，有接近特首辦消息人士透露，特首辦原來喺晚會前落令，叫大會咪叫狼英唱歌、亦唔好叫佢競投物品或捐錢。
查實當日籌款晚會左派紅人如雲，星光熠熠；對於啲小薯仔嘅舉動，相信在席人士都不感興趣，特首辦似乎諗多咗嘞。八方反而想知道，一度同許榮茂爭住競投張曉明字畫嘅名人係邊位？「識貨」又叠水，紅色政途無可限量。