會德豐（020）前主席吳光正位35歲公子吳宗權，去年7月起成為公司董事，今年1月升任主席，吳光正留任高級董事。根據會德豐最新年報，呢位年輕主席去年下半年人工205萬元（冇花紅），除開月薪34萬元，相比早前升做華置（127）主席兼行政總裁嘅劉鳴煒，33歲已經月薪150萬元，真係蚊髀同牛髀。
吳光正難忘中英談判
另外，吳光正喺年報嘅主席報告書裏面，亦罕有流露些少情感，指自己出任會德豐主席21年，過去30年嘅工作，期間見證唔少歷史性里程，對佢來講，最難忘係中、英雙方於1983年香港前途進行談判。佢冇進一步解釋當年點解咁難忘，估計因為當時香港前景不明朗，難作投資決定。佢只係話，內外因素交集，香港繼續面對好多轉變，會德豐將繼續努力云云。