【本報訊】大律師公會表明公民及政黨提名不符《基本法》後，引起不少泛民主派質疑，甚至有激進泛民指公會有政治動機。石永泰昨強調公會不會「自高自大」地認定已經「一錘定音」，指所有法律觀點也可爭拗，重點是「請用文明說服我」。
「請用文明說服我」
曾任大律師公會主席的余若薇昨強調細看公會意見後，依然確信公民提名合憲、合法、合理；佔中發起人之一的戴耀廷也稱不同意公會否定公民提名，但尊重該會意見，指《基本法》有足夠空間容納公民提名，可以達到公民提名實質性之時、亦可令提委會有自主性，但兩者共存須有創意。
面對泛民批評，石永泰昨在記者會率先表明公會非政治團體，獨立於政治及商界利益，考慮意見時也不怕得失任何一方：「我哋唔會話要睇某一方嘅面口食飯，亦唔怕某一方閂水喉，我哋唔係政黨所以亦唔怕被狙擊」，故希望在不怕得失任何一邊下提出相對中立意見。他笑稱：「唔知係咪（前港督）彭定康講過，若兩邊都被鬧，你就啱啦。」
雖然指出公民提名不符《基本法》，但石強調，不會認定已就公民提名「一錘定音」，直指公會也可能是「錯」：「最重要唔好以謾罵或動機性揣測，話我哋投咗共、染紅咗等。有理由證明我哋係錯，可以拎出嚟，我哋願聞其詳，不過，請用文明說服我。」