【動Fun】「大膠整多兩籠，大膠整多兩籠，唔怕滯。」大家別誤會，歌詞沒有錯。面對着充滿童年回憶而又有價有市的「大膠」，別說「兩籠」，再來多「兩擔」都不怕滯！
記者：薛國斌 攝影：張柏基
「大膠」，又名「珍寶」，即Jumbo machinder的簡稱。自70年代興起，是當年流行的玩具之一，產品多數以當時大熱的特攝片和卡通片為主。巨大、手工精細和玩法多端（以當年來說）是「大膠」的賣點。試想想，當年周遭的小朋友還在玩「膠劍仔」和「彈波子」時，你，手握一隻有半個自己高的機械人，還要是公仔箱內熱播卡通片的主角。四周艷羨的目光，迅間傳化為灼熱的自豪感，接着，你便會吐出一句「落極多斌～～～～～切」！！！！！（鐵甲萬能俠的Rocket Punch，你懂的）
不過，自豪有價，還不是人人付得起！話說70年代一碗雲吞麵賣五毛，而一隻玩具「大膠」便賣數百大元，是打工仔一個月工資。當年望梅止渴，如今踏雪尋梅，尋找「大膠」成為了Kidult們的樂事之一。要數表表者有他，「大膠」玩具收藏家Raymond！
「第一隻買嘅係？三一萬能俠囉，細個嗰陣電視有做吖嘛，好記得。」看着Raymond如數家珍的眼睛，彷彿帶我重回70年代。「嗰陣時，唔好話錢吖，連住嘅地方都無咁多，更何況仲要擺件咁大嘅嘢喺屋企，阿媽都鬧啦。而家人大咗，有錢喇，咪追番當年曾經想買但又買唔到嘅嘢囉，童年回憶吖嘛。」一句童年回憶，一隻「大膠」賣上過萬甚至十多萬元，很多人會問真的有價有市嗎？Raymond說：「上個月初日本拍賣網站賣出咗呢隻太保郎，成交價十二萬幾。現時我賣緊十三萬，因為睇晒全世界拍賣網，暫時得番我呢隻。」那份灼熱感的自豪在Raymond眼中表露無遺。
問到為何肯割愛時，Raymond不捨地說出，那是因為需要位置儲新東西，所以才肯割愛。嗯，我明白Raymond的痛，因為我也是Kidult。
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun