富二代，一班嬴在起跑線上嘅人，識玩識食又唔洗憂柴憂米，真係要講句這些機會...而o依家資訊科技咁發達，晒命都變得好easy。
好似前港姐王愛倫個仔林建億（Chester）咁，絕對係「識玩識食」嘅最佳例子，早前佢先俾本報直擊到佢夜蒲即晚撻洋妞，近日又有雜誌報道，佢俾兩個外國索女左右夾擊請食波餅，轉個頭第日又同成班外國索女開船P玩you jump i jump。打開佢facebook，全部都係佢同啲洋妞攬攬錫錫嘅相，似乎對洋妞係有份情意結，而且構圖主要都係「3P」——兩女夾一男，無論任何場合，有冇換畫，「構圖」都係一樣。
而Chester個細佬林建隆呢，就因為已經名草有主而收歛咗，佢不時都會上網晒佢同外籍模特兒女友嘅恩愛合照，近日仲影咗啲好有美感嘅半裸合照，羨煞旁人。