【感慨良多】
除大眾粥麵外，北角馬寶道不少老店都收到「收樓令」，要在5月前遷出。有店主感慨落淚，稱留戀北角的老街坊人情味。
經營20年藥材店的中醫師彭先生，亦是臨急於上周三獲悉要收樓，要在今日遷出，雖然明知遲早要搬走，但張貼結業通告時，仍感慨不捨，「本來打算做多幾年，𠵱家當提早退休，咁多年真係好多謝街坊支持」。
「呢度比大集團買咗，三層可以起30層，財團要錢搵錢，我哋都冇辦法啦」。時裝店老闆林小姐慨嘆小店越來越少，市民無選擇，為趕及今日交舖，衣飾要劈價至15元一件。談到日後打算，林哽咽道：「講就流眼水，唔好提喇！」
「唔使講喇，我會喊㗎！」說起街坊的溫情，在馬寶道經營泰國雜貨店的泰國人林小姐，同樣不禁落淚表示不捨老街坊，該店將於5月底交舖。
《蘋果》記者