杜汶澤跟電影《3D豪情》的團隊到意大利參加第16屆烏甸尼遠東電影節，並已於香港時間昨日在當地播映，全場滿座，觀眾完場時還拍掌支持阿澤。阿澤昨日在facebook貼相兼留言：「喜劇是無分國界的！」
大會主席Sabrina Baracetti日前開玩笑要求阿澤在活動上除衫騷肌，阿澤自嫌未夠弗，以西裝配煲呔look到場，活動上Sabrina Baracetti送阿澤西裝，阿澤昨日在電話中解釋：「因為上次《人間喜劇》去烏甸尼電影節，我漏低咗件西裝，主席次次嚟香港都唔肯幫我拎返嚟，佢話要鼓勵我下次再嚟先攞番，我呢次都決定唔攞住。」活動後，阿澤夫婦和吳君如等出席香港之夜。
採訪：望舒