昨日見到《收市閒情》千頌C話，悶市可跑步、媾女、媾仔、睇《大時代》、上網，當然最緊要怒睇蘋果財經。跑步，傷膝頭。媾女、媾仔？講呢啲。睇《大時代》，大吉利是。反正手上無貨，不如睇書啦！
朋友推介了一本1977年出版，如今絕版的《Rockefeller Inheritance》。七十年代，左翼思潮如日中天，寫美國第一個Billionaire，作者落筆也避重就輕。第一代阿爺的發迹史，輕輕帶過。第二代老竇開創慈善事業，着墨多一點。到第三代五子的故事，分兩部份；上半部講戰後至六十年代中，每個各自各精采發展政商事業，下半部寫六十後事業收成的事。這部美國第一望族的歷史，也是美國近代史的側寫。
會計出身的老洛克菲勒，其實在十年間。1870年成立標準石油（Standard Oil），其時還未有汽車和化工，石油只是用來點燈取暖。會計出身的老洛克菲勒，起初併購是為了以和為貴，有錢大家搵；到後來，有了規模效益，根本不用併購，乾脆以本傷人。1879年，標準石油市佔率達九成，老洛克菲勒成為美國第一代財閥。
政壇從來都是一套法則：憎人富貴厭人貧。老洛克菲勒是虔誠基督徒，做慈善不吝嗇，甚至請來了專家來協助管理善事。不過抹黑攻擊依然，說捐錢是為了買影響力和贖罪。到了1890年，老洛克菲勒專心慈善，及後四十多年，生意都交到專業管理人員手上。真正為了追求利潤而不顧政治的，反而是一班打工仔。
話說回頭，十九世紀美國的能源革命和今天的頁岩氣又有幾分相似。因為有大量石油貯藏，標準石油令原材料價格大幅下降，汽車和化工才可以應運而生。有超過大半世紀，美國一直有貿易盈餘，國力也隨之增長；強國的誕生，除了要有創新和冒險精神，還有少許運氣。令人意想不到的是，美國竟然有第二次的能源革命。
美國在其他技術環節水平，仍遠超其他地區。今後一段日子，自動生產肯定是技術發展前沿，美國再成生產出口國也不是遙不可及。所以，識得睇，一定睇美市。
利世民
http://www.facebook.com/leesimon.hk