英冠球隊李斯特城早喺4月初，已經確定攞到升班英超資格，下季將會重返頂級聯賽，不過陣中老將菲臘斯（圖），就話陪唔到球隊一齊上英超喇，確定會喺季後退休。已經接近41歲嘅菲臘斯，曾經喺英超威盡，99/00球季效力新特蘭入30球成為神射手。菲臘斯今季喺李城固然唔再係必然正選，喺聯賽只係1次踢正選10次後備，至今都有兩球進賬。