C朗（圖）要同女球王瑪達爭金足獎！主辦單位日前公佈咗今年度金足獎嘅候選名單，10位入選球員包括C朗、瑪達、朗尼、恩尼斯達、列貝利、亨利、派路、紐亞、堤亞高施華同埋耶耶托尼。金足獎係頒畀年滿28歲嘅球員，以肯定佢哋整個球員生涯嘅成就，每人一生只可以拎一次。呢個獎由球迷投票選出，8月24號截止投票。