【本報訊】肩負推動政改方重任的政務司司長林鄭月娥，昨稱對政改方案通過感悲觀，笑稱稍後政改宣傳口號或要改為政府打擊店舖阻街的口號：「喂，畀條路嚟行吓得唔得呀？」泛民立法會議員批評林鄭蠻不講理，指鹿為馬。
泛民轟指鹿為馬
林鄭昨出席扶輪社午餐會演講，指對實現普選感悲觀。她稱有同事笑言要改宣傳口號：「或許要借用政府另一個宣傳短片，就係打擊店鋪阻街宣傳片嘅口號，『喂，畀條路嚟行吓得唔得呀？』希望透過咁樣可以博取立法會各議員嘅支持。」政制及內地事務局局長譚志源昨在另一場合附和林鄭，指「通往天堂嘅路都係窄嘅」。
林鄭亦不點名指，激進泛民勢力令泛民議員在政改談判時承受莫大壓力：「政治人物同政黨往往受住激進勢力牽制，不但喺立場上難以調整，即使與各方接觸，嘗試調和彼此看法，亦都隨時會被視為出賣群體，動輒得咎。」工黨李卓人批評林鄭指鹿為馬，蠻不講理：「真正阻住條路嘅係中共同建制派，佢哋想透過小圈子操縱提名委員會搞篩選，市民係冇路可走。」學民思潮黎汶洛否認激進，稱只是提出最多市民支持的方案。
另外，律政司司長袁國強昨出席一座談會時特別指出，有聲音要求提委會增設婦女和退休人士界別，袁大讚此兩界別為港貢獻不少，稱非常希望聽到這方面意見。