吳君如前晚出發去意大利，她的《金雞sss》參加第16屆烏甸尼遠東電影節，並角逐觀眾票選大獎，君如笑說：「唔知意大利人口味係點，或者見到我對38G，應該好開心，喺任何情況，拎獎係開心，冇亦唔會失落。」
君如最近在內地拍戲，她呻沒時間陪女：「出門口去機場前，同個女難捨兩離，拖拖拉拉咗好耐，之前好忙，成個復活節假，我都冇時間陪佢，得今日（即前日）可以陪個女去剪髮，今次去得三日，本來都想帶埋佢去，不過星期一要返學，都要等5.1勞動節嗰日假，先可以陪佢，之後我又要返大陸拍戲，所以出門前咪錫嚟錫去，唔捨得走。」君如並展示戴在手上、女兒用橡筋製作送給她的手鏈，一臉慈母樣。
採訪：麥萍萍
攝影：仇志德