【本報訊】東鐵綫昨晨一度全線停駛，乘客齊聲炮轟港鐵的應變差劣，一張張心急如焚的臉孔遍佈擠得人山人海的車站，其中一名中年男子站在停駛的列車上，眼泛淚光、咬牙切齒的怒罵車站職員：「我好心急呀！我趕住送老竇，我老竇死咗，我趕住送殯，我等咗好耐，都唔知等到幾時！」他身後的其他乘客亦同聲怒吼：「成個鐘㗎喇！」
有人等25分鐘才知無車
於大圍站滯留的錢先生亦大為不滿，他原本相約友人於8時45分在上水站出發遠足，豈料列車服務中途暫停，呆等了25分鐘之後才知無車搭：「日日咁停好大鑊囉，港鐵應該搞好啲服務，壞都盡早通知吖，你叫我啲朋友等唔等我好！」而一名手拖行李篋的中年婦人亦如「盲頭烏蠅」不知何去何從：「我趕住去深圳搭10點鐘高鐵返福建鄉下！𠵱家成9點，等咗成個鐘喇！」
東鐵之後再兩度受阻，雖然港鐵稱只影響2、3分鐘，但在上水站等車往羅湖的Jelly則指苦候了半小時：「冇廣播，職員話電腦系統又壞咗！」她說出門前已確定服務恢復正常，豈料再遇上故障。