張苡澂噚日喺尖沙嘴出席活動，佢啱啱喺內地返港，唔見咗啲行李。佢解釋中途因為要去廁所，物品交畀工人保管，但工人只係掛住玩手機，啲嘢俾人偷晒。問佢冇咗幾錢？佢話：「入面有老公送嘅訂婚同結婚戒指、證件等等，唔見咗七位數！」講完佢即用紙巾印谷唔出眼淚嘅眼角，充份展現出欲哭無淚嘅心情。