美國中情局前僱員斯諾登獲美國《時代》雜誌選為本年度全球100位最具影響力人物之一，德國電視台ARD German TV專登嚟香港製作名為《Snowden Documentary》嘅斯諾登特輯，新民黨主席葉劉受斯諾登帶挈，獲邀接受訪問揚名國際。
查實葉劉根本唔識斯諾登，只不過不時就斯諾登事件回應，又喺facebook祝佢生日快樂，估唔到德國傳媒咁都留意到。原來呢個特輯係丹麥同德國嘅團隊聯合製作，團員個個首度來港，葉劉引述佢哋好like香港。特輯中葉劉被問到斯諾登係英雄定叛徒？葉劉話對美國嚟講當然係叛徒，但對全球人嚟講，佢以一人之力抗衡一個大國，可算真英雄。