奧巴馬訪問日本，安倍晉三請佢到銀座吃米芝蓮三星級壽司店吃壽司刺身。記者G立即上網試吓預訂，網頁話四五月已客滿，開始接受六月訂位。恐怕奧巴馬去過之後，呢間壽司店更加爆滿，一位難求。不過我地訂唔到，冇所謂啦，三萬日圓食二十塊壽司，接近一百一十四蚊港紙一啖飯，唔便宜㗎。
如果計奧巴馬訪問日本費用，更加唔便宜。英國每日郵報Mail Online在三月二十五日報導，奧巴馬到訪布魯塞爾一日，比利時政府用咗一千零四百萬美元做保安，奧巴馬一行有900人，三架貨機（運載45部汽車），加埋空軍一號等等，布魯塞爾警方調動350架警察及軍用電單車沿途巡邏奧巴馬經過嘅路線。另外Mail Online在四月七日再報導，奧巴馬及隨員逗留咗一晚，租咗387間酒店房，租用143架車，額外用多近一百五十萬美元。一位住在紐約嘅讀者L先生閱讀本欄講總統出行後，傳來一張資料紙，細述美國總統出訪外國一處地方（one site）嘅基本行動部署，因為太長，只能簡單講吓：（一）到外國，總統坐「空軍一號」，另外一架備用機──內有空軍一號所有設施，同時出動；
（二）兩架機裝滿汽油同行，另外沿途所經之美軍基地有「加油機」升空「陪伴」飛行，（三）兩至三架總統用專車先運抵當地；（四）總統用直升機兩架預先運到當地；（五）沿途有兩架戰鬥機護航；（六）全隊醫療團隊隨行，緊急救護車預先運抵當地；（七）貨車、加油車、汽車、直升機及各類通訊電子器材預先空運到當地，（八）數以百計特工事先到達當地，巡視全城，在總統會經過的所有地方及街道一里方圓之內，徹底檢查，24小時監控；（九）大量美國食品飲用水事先空運到當地，作後備用途。
總統到一個外國城市訪問一日，後勤和特工人員需要兩個月的準備，這次奧巴馬訪問日本、韓國、馬來西亞、菲律賓，需要多少時間籌備和金錢及機會成本？美國納稅人怎樣也計算不清，2008年金融海嘯之後，奧巴馬公開要求美國大公司不要到拉斯維加斯開會，以免奢華浪費，但佢自己從來沒有削減自己的旅行支出。他日如果佢要到香港訪問，請特區政府耍手擰頭呀！