鍾楚紅昨日在馬鞍山郊野公園出席植樹活動，她表示平日愛行山，令自己心情開朗，她說：「我都好鍾意種樹，有生命嘅我就鍾意，多啲樹木可以畀多啲動物棲身。」她又透露今年內會辦慈善相展，已經開始影相，會以香港景色及綠色環境為主。會否約攝影發燒友周潤發一齊影？紅姑笑說：「唔預佢，佢高級。不過我影嘅相會喺直升機高空取景，上高影落去，香港有好多小島同海岸線好靚。」
有報道指紅姑舊作《縱橫四海》將被翻拍，陳妍希會演她當年角色，問紅姑覺得陳妍希跟她是否相似？她說：「梗係唔好似！人哋又後生又青春又靚，導演拍得好就得，唔應該似我，每人有自己風格同個樣。」
採訪：文國駿
攝影：黃偉雄