杜汶澤主演的《3D豪情》、彭浩翔執導的《香港仔》、吳君如孭飛的《金雞sss》和陳果執導的《那夜凌晨，我坐上了旺角開往大埔的紅Van》四部港片齊齊參加第16屆烏甸尼遠東電影節，並角逐觀眾票選大獎，阿澤和彭浩翔日前分別帶着老婆到意大利造勢。《香港仔》更被選為該電影節的開幕電影，香港時間昨日凌晨在當地首映，阿澤夫婦和陳果等拉大隊往撐場。
《3D豪情》登場刊封面
阿澤有份演出《香港仔》，他昨日在電話中說：「我都係第一次喺銀幕睇，好興奮同震撼，我識咗彭浩翔20年，呢部係佢拍得最好嘅電影，現場觀眾睇完都好喜歡，拍掌三分鐘，喺派對中，外國媒體又大讚彭浩翔呢部戲好有香港情懷，由香港嚟嘅導演都好夠義氣，大家都嚟撐場，尤其陳果睇完都好感動，佢讚拍得細緻同精美。」
《3D豪情》的電影海報，阿澤與AV女優葵司攬實肉搏，這張相被電影節大會選中做場刊封面，阿澤說：「好榮幸，大會主席話揀我哋係鍾意海報設計大膽創新，配合主題，主席仲問我28號電影宣傳嗰日會唔會除衫，佢想睇吓我係咪同海報一模一樣，我應承佢……唔除，因為𠵱家不停食，肥咗好多，體形打回原形。」阿澤表示參加電影節最大收穫是呃飲呃食兼睇好戲。
採訪：比華利