吳孟達日前接受有線訪問，最近他接拍彭浩翔執導的電影《香港仔》，他說：「第一日拍做喃嘸佬（打齋道士）做破地獄法事，以為好簡單，原來好專業、有功架，步驟同專業術語又多又難記，加上年紀大體力有限，舞兩下已經氣來氣喘，搞到差啲窒息，真係好攰！」達哥在戲中與吳家麗的激情演出，他笑言：「我哋近十幾年都冇乜碰頭，今次一聚頭就要拍激情戲，加上佢又靚又性感，驚自己把持唔住！」