【本報訊】他們再遇，在夢中的機場，哥哥如常送弟弟出團，一句再見後，弟弟卻消失不見，謝廷駿（Masa）離世三年零八個月，比他只年長一歲的哥哥志堅說起這個夢。志堅與家人追尋公義，筋疲力竭，這天他到Masa靈前傳達公義昭雪的喜訊，兄弟今生緣盡，他把對弟弟的希望放到下輩子，「來生好好咁過」。
記者：張嘉雯
「喺機場見囉我記得嗰次係，跟住佢又唔知走咗去邊喇」。夢境是真的，志堅三年多來尋尋覓覓，想找回消失的弟弟，「喺機場，你又出團呀？哦好啦，咁之後再見啦」。這天嬌黃色的太陽菊握在他手中，一身黑衣的他和慘劇生還者李瀅銓一起拜祭Masa，盼弟弟安息。
「我想同佢講，事發當日屋企人係冇放棄過你，雖然我哋乜都做唔到，只係透過電視望住你，但係一直以嚟我哋都喺埋一齊，呢三年嚟，屋企人為你努力爭取公道，總算為你做到」。
憶起抗爭歲月，志堅自言在事件三周年時最感絕望，當時向菲律賓使館遞信不獲接見、港府回應千篇一律、外間言論一面倒認為無法爭取，「冇一個人答到件事幾時會完，究竟仲可以做啲咩？」
「冇巿民支持捱唔到」
幾年來，一直有人勸他和家人放棄，他們卻到菲律賓找尋證據、入稟控告當地政府、參與艱辛的毅行者，還到地區諮詢會向特首直接申訴。謝家的凝聚力和韌力，感動了所有香港人，「並唔係話執着，正正係因為放低咗，先可以好理性咁睇一件事，有人承擔責任，先係最圓滿嘅解決」。
他重申菲律賓所用的字眼雖然不理想，但考慮過傷者及進一步制裁的影響下，決定接受，「當我哋喺度追求公義，我又會唔會做咗啲嘢對其他人好唔公義呢？菲傭嚟香港做嘢咁辛苦，我有冇一個理由說服到自己要佢哋一齊孭飛呢？」
他希望媽媽平復心情，「件事解決咗，希望佢正式可以放低，重新開始好好生活」。他指Masa很孝順，「佢離開咗都希望對父母盡責，呢樣嘢係菲律賓政府欠佢，希望（賠償）係對Masa少少心意，供養父母」。他自己最希望重回正常生活，投入工作。他認為公義得彰最大功勞是巿民，「冇香港巿民支持，捱唔到咁耐」。他重提常遇到陌生人向他打氣，「令我感覺到成個香港嘅同理心」。