福建喺上場甲一籃球聯賽以2分絕殺永倫，噚日喺灣仔修頓室內場轉戰升班馬晉龍時，團火就幾乎淋熄。呢支奪標大熱甫開賽一度領先20:6，但第2節中段稍有鬆懈就被追至30:26，好彩及時換入香振強（左）振軍心，加上射手劉子禮回勇，第3節終於拉番開64:43，最後仲以88:56取得聯賽3連勝。至於永倫喺尾場就以91:43擊敗飛鷹，暫時3戰2勝1負。