雖然在娛圈生存空間有限，有藝人無奈轉行，但也有藝人繼續留下演戲。曾說過要轉行的艾威，近日接拍電影、舞台劇和在電台開咪，他昨在電話中笑說：「要多謝各方好友嘅幫忙，暫時仲可以生存，始終開咪同舞台劇收入唔多，嚟緊主力喺電影發展，希望有個生存空間。」他透露如果順利，8月將接拍一部電影，擔正做主角。
同是港視藝人的麥子樂說：「我冇得唔堅持，因為我太鍾意做呢行。我係幾怕麻煩人嘅人，但呢段時間，我都嘗試打畀啲合作過嘅人，問吓仲有冇機會搵我，我唔知work唔work，只知唔去做就冇。」被無綫趕絕的姜文杰也說：「無論生與死，成功與否，我想搵啲新嘢去衝擊市場。」
採訪：何慧斯