下周日英超榜首利物浦主場對車路士呢場波，原本係爭標大戰，不過車仔主帥摩連奴講明要留力喺下周三主場對馬德里體育會嘅歐聯4強次回合，寧願放棄英超出晒副選同𡃁仔，博入歐聯決賽。據講摩佬呢個諗法已經得到球會高層嘅同意，而英超賽會方面亦開綠燈。如果摩佬唔係出口術，尼敦艾基（圖）、卡拿斯呢啲後生仔會上陣，咁紅軍要全取3分照計冇乜難度。