上場西甲，巴塞隆拿主場以2:1反勝畢爾包，美斯（圖）仲有個入波，但有外國傳媒翻睇呢場波嘅賽前片段，發現美斯喺球員通道入面無厘神氣，要搵手撐住道牆，眼神呆滯，仲忍唔住要彎低身嘔！其實美斯都唔係第一次喺球場嘔，出道以來都嘔過好多次，情況令人擔心。最近一次係上個月代表阿根廷友賽羅馬尼亞，佢喺開波7分鐘就嘔，之後飲咗啖水，繼續比賽。