唔知大家仲記唔記得，港版共產黨少先隊嘅「國民小先鋒」副主席余綺華？即係喺《城市論壇》俾學民思潮召集人黃之鋒追問國教立場時，嗰位拍枱嘅小學教師呢！
國教事件後一直潛水嘅余綺華，今年以香港道教聯合會圓玄學院石圍角小學教師身份，參選教育人員專業操守議會選舉，最終得到7,353票，喺11個民選議會成員中以第四高票當選。
其實佢2012年都參選過，但只係候補名單，今次正式上莊，嚟緊下個月起做到2016年4月。余綺華𠵱家係教育工作人員總工會會長，係工聯會屬會之一。
即將卸任操守議會主席嘅韓連山今次冇再選，佢話因為太忙，然後笑笑口話，希望余綺華開會時，唔好再拍枱啦。