股評人胡孟青喺《蘋果》拍攝嘅節目「青談三分鐘」將於今日首播，呢個節目將會逢星期五、六、日嘅下午1點，喺《蘋果財經即時新聞》同大家「動一點」。青姐將會訪問城中名人，兼且討論當時熱話，首集搵來CEC國際（759）旗下阿信屋創辦人林偉駿，仲有股評人孫柏文，一齊青談三分鐘。
呢個節目叫得做「三分鐘」，顧名思義，就係每集濃縮喺3分鐘以內，以精華版嘅方式播放。
雖然節目喺財經即時新聞播出，但係節目嘅定位係「非財經」，希望吸納平時唔睇財經嘅讀者收睇，所以選擇喺五、六、日輕鬆播放。
有一點不得不提，製作部同事花咗大量心機與時間，為節目加入嘅後期製作效果，相信會令觀眾嘆為觀止，希望觀眾落足眼力睇喇。