【亂噏24】坊間常說出色的香港女演員所剩無幾，其實香港還有林嘉欣。她自從為丈夫袁劍偉誕下兩女後，近日決定復出，稍後將再次拍戲。曾五度獲提名香港電影金像獎最佳女主角的她，原來也曾經歷過迷茫期，一度懷疑自己的演技，後來到法國深造，才知道自己的渺小，她會在今集《亂噏24》詳細分享，讀者可在http://bit.ly/appletalk24重溫。
撰文：馮國康、Sidekick
林嘉欣日前聯同經理人林珊珊亮相《亂噏24》，由於之前發生《明報》前總編輯劉進圖遇襲事件，眾人均以黑衣現身，以行動向暴力說不。黎智英（肥佬黎）說：「王維基send咗個message畀我，我話好啦。阿劉俾人斬係咪同嗰件事有關？如果佢都被斬，咁好多人俾人斬喎！」似乎很膽心自身安危，陳淑莊（Tanya）笑說：「你屋企仲有斧頭呀！」
發揮情感
一輪輕鬆開場白後，話題返回今天的主角——林嘉欣。提到為何會選擇演藝之路，嘉欣表示當初拍第一部電影《男人四十》時，她由台灣來港試鏡，第一日便要在圖書館挑逗張學友：「我唔知機器存在啦，導演（許鞍華）又冇畀啲乜嘢方向，畀我一個好大嘅發揮空間，嗰刻我知電影係我好想做嘅嘢。」
嘉欣憑該片奪得香港電影金像獎最佳新演員及最佳女配角，但她坦承亦有迷失時候：「拍到第三、第四部戲嘅時候，我開始有啲迷失，因為唔係個個導演都知道佢哋拍緊啲乜，哈哈！」
在最迷茫時期，嘉欣在法國跟一位劇場老師學了半年戲，對她的演藝生涯有重大啟發：「你係覺得原來做戲係可以咁嘅。」前年她又跟一位八十多歲法國導師學戲，同學全部輩份十足，她記得那個星期的練習沒有一個做得到：「但我覺得好正，你喺同學身上學到好多嘢，佢哋唔係淨係關心自己，係關心世界，令我視野擴闊好多。」她自言從前演戲太流於表面，演痛苦表情就一定扮作很痛苦，現在則學懂抓緊一個情感來擴大，她說：「當你用一個sensation去演，可以好輕身好靈活，亦可以好自由。」
肥穿不下
出道時嘉欣不太注重儀表，也沒有刻意保持身形，當年是肥妹仔的她甚至穿牛仔褲出席頒獎禮，她笑說：「我記得跟住嗰年金像獎寄invitation，入面話『No Jeans』！」其實是啞子吃黃連，她續說：「我唔係想着牛仔褲，因為冇一件sponsor嘅衫我着得落，所以着自己最舒服嘅牛仔褲。」
蔡瀾擔任監製多年，一直有觀察演員，得出一個結論是無論古今中外，要成為好演員必定要靠個人修養：「你睇得書多，人生經驗多，自然會將角色揣摩出嚟。如果你話識表演，呢個係天才，唔係理論。」肥佬黎認為兩方面影響演技，人生歷練當然重要，但天份也不能缺少，並以英年早逝的占士甸為例：「佢25歲已經死，點可能有咁多修養？呢啲一定係天才！」
不過就算有天份有修養，際遇好壞也影響深遠，蔡瀾說：「我前幾日喺機場撞到葉蘊儀，面孔都係以前14歲時咁。我一睇就知佢係演員，完全天生嘅演員，但運氣有問題，冇乜好角色畀到佢，最後佢自修陶藝，行另外一條路。」
珊珊倪匡一凳之緣
席間，林珊珊表示很掛念倪匡，更因對方一句話影響一生。在她18歲那年，她在電台做DJ，有次參加《十大中文金曲頒獎禮》，張文新叫他們一班DJ在會場的不同位置出現，其時珊珊被安排在觀眾席上，身旁便是倪匡。珊珊說：「你知我幾高啦，咁倪生就坐我隔籬，當時佢問我：『你咁細個邊度嚟㗎？』佢同我講你咁嘅高度，人哋睇唔到你，企喺凳度。」
珊珊照做如儀，結果成為眾DJ中最出眾的一位，這事令珊珊銘記於心，但一直未有機會多謝他。
至於珊珊第一次見蔡瀾，則是在嘉禾的辦公室，當時珊珊見到蔡瀾的房間很大，桌子也滿佈雜物，她說：「蔡San點解你張枱咁多嘢？當時你係點辦公呢？」蔡瀾笑說：「點會辦公？我係玩咋，呢啲係我嘅玩具，我嘅夢工場，我玩嘅地方嚟！」
立法會身材正預算案 AV仁最LIKE
http://bit.ly/talk244101
難忘狄龍好長氣 珊珊話舅父上晒身
http://bit.ly/talk244102
返工要有Quality of Life 辦公枱唔好太齋
http://bit.ly/talk244103
名人夫妻扮恩愛 假到無倫都唔分開！
http://bit.ly/talk244104
A君B君點樣揀？簡易擇偶唔使煩！
http://bit.ly/talk244105
無懼單親陰影 林嘉欣幸福滿瀉
http://bit.ly/talk244106
進修演技去法國 原來做戲咁樣學！
http://bit.ly/talk244107
挑逗學友演得放 嘉欣最後墮入迷茫
http://bit.ly/talk244108
回到未發時 去廟街睇相的日子
http://bit.ly/talk244109
天才演員唔夠運 惟有自修玩陶瓷
http://bit.ly/talk244110