恭喜恭喜，八方要為《蘋果日報》印刷廠同事鼓掌，因為今年世界報業和新聞出版協會（WAN IFRA）舉辦嘅亞洲傳媒大獎，台灣《蘋果日報》同香港《蘋果日報》雙喜臨門，分別奪得最佳印刷金獎及銅獎（圖），證明台、港《蘋果》嘅印刷水準，都係業內最優秀嘅；事實上《蘋果》唔係首次攞印刷大獎，顯示印刷水平能夠維持，受到肯定。
其實喺新媒體網上傳媒盛行嘅時代，印刷媒體唔能夠鬆懈，《蘋果》又奪獎，反映八方嘅同事無懼網上媒體嘅挑戰，緊守崗位做到最出「色」。香港《蘋果》上年9月已贏咗太平洋地區報紙出版者協會（PANPA）比賽，獲「印刷技術卓越獎」大獎。