【本報訊】市場憧憬阿信屋與香港電視網絡合作，經營及擁有阿信屋的CEC國際，昨日股價急升17.9%至2.63元，為昨日第4大升幅股份。CEC國際主席林偉駿透露，是港視主席王維基主動邀約他周二面談合作，邀請阿信屋加入成為其網購旗下商店之一。
林偉駿：王無被打殘
他指王維基對網購落重本投資，希望搞一個「虛擬新城市廣場」，合作方必須是有商譽之商戶。「佢受我玩，我當然樂意……對我來講，我冇損失架，多咗間虛擬舖，又唔使我推廣。佢話會利用網上電視宣傳，的確有明星效應㗎，呢個亦係佢優勢。」
林偉駿承認，起初時他亦有少許顧慮，但王維基強調其平台與淘寶性質很不同，王維基連車隊問題亦已有方法解決，事事會親力親為，「佢嚟搵我之前做晒功課，睇埋我網上訪問。咩都自己落手落腳做……係超級生意人」。他感到王維基經歷風風雨雨後，絲毫無被打殘迹象，「真係做生意嘅人，點會咁易俾人打死架，如果咁易，佢早就銷聲匿迹啦」。
他認為，兩人做生意風格有明顯不同。「我話我自己係揼石仔，但佢一搞就大搞。即係佢一開波就踢甲組，踢英超，我就踢丙組。」港視昨在其業績公告中進一步披露，正探索以不同的商業模式打造一個「一站式」24小時服務「電子購物商場」，會在有更清晰的業務發展方向下，在下次年報或合適時間提供更新資訊。