貴為前NBA狀元，「中國第一中鋒」姚明（右）身家之豐厚梗係唔使多講，而據內地傳媒報道，姚明一家最近搬咗去上海一套售價超過5,000萬人仔嘅高檔豪宅，據聞呢間豪宅入面連廁所都可以欣賞到黃浦江等無敵靚景！姚明同老婆葉莉（左）雖然有生活態度，但係佢哋就拒絕做怪獸家長。佢哋位千金𠵱家讀緊幼稚園，不過就同其他平民同學一齊搭校車，低調作風同一般強國土豪完全相反。