【本報訊】尖沙嘴車多泊位少，有旅遊巴司機大吐苦水，指發生警民爭吵的麼地道，雖然有四個旅遊巴合法泊位，但私家車接客及貨車落貨也經常佔用有關泊位，往往令旅遊巴被迫在雙黃線停車落客，抄牌也無可奈何。
旅遊巴司機伍先生說：「尖沙嘴乜嘢泊位都唔夠啦，有時去到旅遊巴泊位，見已經有私家車或貨車泊咗，入唔到位都焗住要快快趣打死火燈，喺雙黃線停車落客，落完就即刻走；否則可能兜多十幾個圈，兜到夜晚都唔會有位畀你泊車！」
員方：需考慮現場環境
抄牌風波發生時，前面一輛旅遊巴司機目擊事件經過，他指涉事旅遊巴司機和警員「兩個都唔啱」，雖然不知旅遊巴司機於雙黃線停留多久，但確有違泊；而警員身穿制服，也沒理由當街大聲喝罵事主。
警察員佐級協會發言人董耀明認為，旅遊巴司機聲稱等候私家車駛出才駛入泊位，有關解釋是否合理須考慮現場實際環境。他說：「從片段中無從得知架旅遊巴停咗雙黃線幾耐，如果話停10秒、8秒等，咁相信警員都唔會票控佢，但如果係3、5分鐘，以尖沙嘴區嘅交通咁旺嚟講，可能已經成條路都塞住。」