民主黨何俊仁前年選特首時開咗個騰訊微博，po吓自己嘅選舉動態，原來選舉過後仁哥一直有繼續經營佢個微博，不時發放吓同維權人士有關嘅資訊，甚至前排民主派普選絕食團嘅鬥爭史，佢都有同內地網民share㗎。
不過，你估內地嘅網絡管制浪得虛名咩。鐵頭仁話今年初開始越嚟越多五毛喺佢個博微度開工，連佢轉載報道、批評內地人食狗肉嘅po都被大鬧。可惜五毛開工開到今個月14號，又少咗個場，因為仁哥個微博相信有太多維權訊息嘅緣故，最終被有關方面block咗，八方想上去悼念都話頁面不存在。鐵頭仁稍後有機會，唔排除再開新戶口，令微博翻生還魂。