【本報訊】這天餐單上，有塱原珍珠糙米飯團、八鄉雜菜沙律，菜式雖簡，卻格外親切新鮮。推廣本土產品的團體「港嘢」，是「唔幫襯大地產商」的龐一鳴夥拍戰友的新搞作，起步先聚焦本地農產品，推出到會服務，一律用本地食材。「香港人以為自己有很多選擇，但其實佢哋根本唔識揀！」
下一波推「隔籬飯香」系列
港嘢成員林杰欣笑道。港人的肚皮早被寵壞，一年四季食物從各地「飛」來，早不知道何謂不時不食，「係田邊即摘即食，都唔止碳排放少啲，係真係好好食！」港嘢為顧客帶來飯團，米是長春社在塱原復耕項目下重新種植的，紫菜來自台灣，在香港加工。沙律菜來自本地歐羅有機農場，配山西永續農場的手工醋。冷泡茶用香港永和蜜糖、組員自家種的薄荷葉。他們盡可能發掘香港食材，缺的就購公平貿易產品。
很多人提本地食材只想到「貴」，但港嘢成員不認同，「第一樣就問買嘢個價錢，經濟只係停留係嗰度。但支持嗰樣嘢嘅背後，其實仲有祝福緊成個大地，一個健康啲嘅運作啦，真係想做農夫嘅人有機會去做農夫啦，畀香港社會有呢個選擇。」林杰欣補充。港嘢夥伴、關懷全球在地創辦人兼執行總監蘇文英亦指，港人越來越注重公平貿易，但公平貿易做得最差的，反而是東南亞，「如果對本地都冇認識，又點講公平貿易？」他們打算收集「隔籬鄰舍」食譜，推出「隔籬飯香」系列，讓香港特色食譜可以開心分享下去。