【跨性別婚權戰二之二】
【本報訊】要完成整項性別重置手術才可轉換身份的規定，令很多跨性別人士在婚姻門前止步，其中女跨男群體最受影響。阿Ben和B仔，分別在十年前和兩個月前完成女跨男手術，前者以小腿骨做陰莖，三年間入院20次，至今仍要接受修補手術；後者以陰蒂造睾丸，但傷口嚴重潰爛，一邊「睾丸」幾乎脫落。歷經萬劫，兩人對是否要以手術作為換身份界線有截然不同的看法。
「換張身份證啫，唔使搞到話冇咗條命！」今年25歲的B仔，兩個月前入院切除子宮和卵巢，並為符合「建造某種形式陰莖」的規定，以陰蒂建造睾丸。可惜手術引發嚴重後遺症，新造的睾丸潰爛流膿，令他痛不欲生，最終要留院一個月。他認為，現今建造陰莖手術未成熟，以此作為換身份的標準，並不合理。
痛不欲生 辭工休養
B仔三歲起懷疑自己的性別，一直自覺是男生，「因為一直都鍾意女仔，所以有諗過自己係TB（Tomboy），之後都試過同Trans-man（女跨男）拍拖，佢已經係做晒手術嗰種，但我覺得個感覺好基」。自此，他只和女生拍拖，五年前更開始使用男性荷爾蒙，不單止聲線逐漸變粗、長出薄薄的鬍子，髮線亦伴隨上移。
B仔自言是個有計劃的人，做足功課了解各國的手術成果，「香港技術唔好，外國就成本高，我哋呢啲搵工已經好困難，去邊度可以搵個本（成本）返嚟？有乜嘢事要修補，唔通下下飛咩！」本來胸部有C級的他，為令切除乳房手術的效果更好，除了用男性荷爾蒙外，亦努力做運動收細胸部，終於2012年底切除乳房。
今年2月初，他獲安排切除子宮、卵巢，並建造睾丸，手術後不單止無法小便，出院後新睾丸上長一吋的傷口更爆線，「越嚟越擴大，右邊連住身體塊皮斷開咗，含晒膿，係咁流啲嘢出嚟，小便亦都去唔到，之後入返醫院，住咗成個月」。
「換張身份證啫，唔使搞到話冇咗條命！個手術係有風險，𠵱家唔係玩命！」B仔經歷男人最痛，直言下體的爛肉令他痛不欲生，最終辭去原來的工作，專心休養，「人生唔係淨係做手術㗎嘛，要返工㗎，唔使做手術可以轉身份證呢樣嘢好重要」。他指有同路人因血壓高不能用荷爾蒙，或者年紀大不宜做手術，若因此「封後門」，不讓他們得到身份，只會加重他們心理負擔。他計劃「再接再厲」，已聯絡內地醫生，準備建造陰莖，希望有日可以和女友或未來太太性交。
加重政府醫療負擔
跨性別資源中心代表、本身已完成切除乳房手術的小強，直言下身手術風險太高，不打算再接受手術，「之前右邊胸切多咗，𠵱家凹咗入去，唔係怪個醫生，不過手術嘅嘢冇寫包單，無謂承受呢啲風險」。他指政府建議女跨男者建造某種形式的陰莖，方法包括以小腿骨做陰莖，風險較高，另一方法是把陰蒂拉長，但無法勃起，「佢話某種形式，其實即係乜嘢程度？都冇講清楚」。
他認為強迫跨性別人士做手術，一方面加重政府醫療負擔，另一方便影響生產力，「因為個技術未成熟，搞到要出入醫院，去完精神科去外科，仲有各種風險，修補手術，支出係計唔到，唔止住院開支，仲有生產力，返唔到工要休養」。