【本報訊】殉職領隊謝廷駿（Masa）的哥哥謝志堅昨在鏡頭前哽咽，道盡多年來為弟弟討回公道的辛酸，但他每當想起弟弟死不瞑目，便即抖擻精神，「就算今日唔好彩解決唔到，我一定可以繼續捱落去，堅持到底」。
「第一件事要多謝香港人」
謝志堅因Masa的事哭了多次，「阿涂（涂謹申）有提醒我出嚟時情緒可能一下子頂唔住，我仲好有信心話唔會」，誰知見記者時，腦海閃過三年多來的畫面，忍不住流淚。由當日在電視看着弟弟中槍，自責「乜都做唔到」，到現在終於釋懷。他難忘認屍時弟弟死不瞑目，「想同細佬講，屋企人可以為你做嘅就係呢啲，雖然唔係最完美結果，但都算告一段落」。試過有的士司機拉下車窗對他說加油，也有市民豎起拇指打氣，「第一件事要多謝香港人」。
菲方道歉字眼未如人意，謝志堅說雙方談判已到底線，如家屬企硬，談判會破裂，屆時制裁行動必再升級，菲傭隨時受累，家屬亦將承受更大壓力，故最終接受。
據悉，菲政府月初提出以「Sorrowful Regret」致歉，當時只得謝家對字眼有保留，但稍後其餘家屬亦關注用字。前晚家屬與港府代表開會至凌晨1時，家屬堅持菲方代表在談判達共識後，一同向傳媒交代，惟不能成事。
據了解，港府一直希望家屬盡快「收貨」，在近月的會議上，有高官一度因家屬的要求「黑面」。