【臭味因由】
荃灣西海旁臭味問題困擾周邊居民多年，主要由於區內屎渠駁錯，駁入區內雨水排放道流出大海，導致海旁排水口臭氣沖天。區議會已動議當局將區內污水接駁至污水處理廠，惟工程遲遲未上馬，料臭味仍「陪伴」居民一段長時間。
與環宇僅數分鐘步程
地區人士當年曾誤以為海旁臭味問題是淤泥所致，根據2008年一份立法會文件顯示，經環保署進行深入發現臭味源頭與海旁4個雨水暗渠排水口有關。另根據荃灣區議會文件顯示，荃灣西海旁有4個雨水暗渠排水口，分佈荃灣麗城花園、荃灣碼頭及荃灣海濱公園對出，其中一個排水口位與長實（001）新盤環宇海灣近在咫尺，只消數分鐘步程。毗鄰也是西鐵上蓋另外興建兩個住宅項目（第五及六區），理應同受臭味影響。
荃灣區議員陳恒鑌表示，因為荃灣區內不少污水渠駁錯，「最主要是舊樓的糞渠駁錯，駁咗落排水渠流出大海。呢個係老問題，渠務署一直在區內捉駁錯渠的問題，但捉唔晒。有幾多駁錯呢條數，估計唔多，因為仲有好多始終未搞得掂」。
他表示，區議會已通過動議，建議政府將區內污水接駁往污水處理廠，並已列入工務工程，惟非優先處理項目，排隊多年，遲遲未能上馬。
渠務署發言人回覆指，荃灣區四個旱季截流器工程（即將目前4條排水道污水接駁至污水處理廠）的工務工程項目已獲撥款進行勘測及設計，現正聘請顧問。勘測及設計完成後，便會向立法會申請撥款，期望2016年底開展工程。