林宥嘉狠撇鄧紫棋（G.E.M.）結束四年情，有傳因信教嘅G.E.M.堅拒婚前性行為，搞到26歲血氣方剛嘅林宥嘉冇得發洩，結果搭上台灣前歌手丁文琪玩劈腿，早排仲被舊愛G.E.M.喺facebook數臭五宗罪，雖然林宥嘉強調同丁文琪只係朋友，但近日兩人被影到喺台北密會，林宥嘉不但陪跑步陪開工，仲偷運丁文琪返家過夜玩閃電同居。
噚日林宥嘉喺微博撰文為丁文琪呼冤，否認對方係第三者：「上一段關係結束的原因，就是兩個人之間的問題，沒有誰是第三者，丁文琪小姐也當然不是。而我，一直都很重感情，無論在任何一段關係裏，我都是負責任的人。」雖然有圖有真相，但林宥嘉依然唔認丁文琪嘅女友地位，難怪有網民留言揶揄：「都這樣了你還不願意給丁小姐一個名份，果然好負責任，好有擔當。」
被網民揶揄
馮仁昭問番G.E.M.有乜感受？佢話：「唔回應。」林宥嘉後日喺紅館開騷，問會唔會捧場？G.E.M.話：「唔會。」擺明不屑再提呢位舊愛，仲喺微博擺咗九年前嘅舊筆記本，寫咗幾百字「我好掛住你」圍住「YIN」呢嗰名，唔知「YIN」係咪佢初戀男友呢？
撰文：馮仁昭