【壹週刊】Vivian原本雄心壯志今年全面復出，先喺去年自組經理人公司，準備今年出福音碟之餘，再開埋演唱會，點知，市場反應未及預期，book咗紅館檔期嘅佢，都怕蝕，要將個期拎番出嚟呀！原來Vivian喺去年入咗紙紅館，成功申請到八月十八日至二十五日嘅暑假檔期準備開騷，但今年香港演唱會票房一場差過一場。好似殿堂級徐小鳳咁，捱到開騷前先賣晒啲飛。再講家吓搵贊助難上加難，Vivian思前想後，最後怕蝕錢寧願唔開。幾個月前Vivian已經將八月個檔期攞番出嚟，不過到而家都冇人要，可想而知個市有幾差。一萬二千個座位，少啲叫座力都唔掂，難怪Vivian都唔敢輕舉妄動，即使最後呢幾日冇人接佢個場，只要繳交每日五千八百元場租就得喇！唔開騷仲有so呀！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android