傅嘉莉（Kelly）、Jocelyn及陳茵媺等，昨日在灣仔出席珠寶活動，Kelly大露背性感現身展示所佩戴價值2億的翡翠，她笑說：「有專人幫我哋戴首飾，因為唔想我哋同啲珠寶有太多接觸，不過綵排行騷時隻耳環戴唔實，好彩有其他model提醒先冇唔見，真係嚇死，唔係就跌咗成層樓喇。」愛珠寶首飾的Kelly表示有興趣讀珠寶鑑證：「有個朋友讀過呢科，佢幫我睇過一套用100萬買返嚟嘅珠寶，好快就升值到150萬，所以我都想讀，自己識得睇之外，又可以好似買樓博升值咁考吓眼光。」
最近都有參與拍劇的Kelly又說：「想拍多啲戲，模特兒身份外，畀多啲人認識我。」
採訪、攝影：藍文浩