提到為何選擇演戲這條路，嘉欣表示當初拍第一部電影《男人四十》時給予一個很寶貴的經驗，亦令她愛上拍戲。當時她由台灣來港試鏡，第一天便要在圖書館挑逗張學友，她憶述說：「我唔知機器存在啦，導演（許鞍華）又冇畀啲咩方向，畀我一個好大嘅發揮空間，嗰刻我知電影係我好想做嘅嘢。」結果嘉欣憑該片奪得香港電影金像獎最佳新演員及最佳女配角，演技備受肯定。不過她坦承有迷失的時候：「拍到第三、第四部戲嘅時候，我開始有啲迷失，因為唔係個個導演都知道佢哋拍緊啲咩嘛，哈哈！所以後尾越拍越迷茫。」
嘉欣出道時不太注重儀表，亦沒有刻意保持身形，甚至穿牛仔褲出席出席頒獎禮！她笑說：「我記得跟住嗰年金像獎寄invitation，入面話『No Jeans』！」原來當年她是啞子吃黃蓮，她續說：「其實我唔係想着牛仔褲，冇一件sponsor嘅衫我係着得落，又唔可以改，所以着自己最舒服嘅牛仔褲。」肥佬黎說：「咁你真係好係唔似明星喎，有咁嘅想法。」嘉欣笑言自己是不合格明星，因每次化妝都是一件很痛苦的事情，她寧願花這些時間看書或電影。
服裝:ANTEPRIMA
拍《男人四十》嘉欣奪最佳女配角，搞乜越拍越迷茫?!今晚十一點,《亂噏24》約定你！