澳門政府將於下月1日舉行「5.1黑沙海灘迎夏日演唱會」，由於跟遊行撞時間被質疑為維穩騷，澳門民主派呼籲歌手杯葛演出，謝安琪、張智霖、官恩娜、周柏豪、連詩雅、RubberBand、C AllStar、Dear Jane和F.I.R.均先後表態辭演，令音樂會吸引力勁減。據知，大會力邀再戰樂壇的杜德偉撐場，惟杜德偉都決定唔玩。
太極加入演出
杜德偉前晚接受本報電話訪問時，仍未確定會否演出：「聽到又話要做又話唔做，𠵱家情況我係唔清楚，我都係等緊指令。」對於多位歌手相繼辭演，他說：「我唔知道乜嘢一回事，亦唔明維穩乜意思？我只係聽公司指令。」問會否擔心政治敏感？杜德偉說：「唔知呢單嘢同政治有乜關係，對我嚟講做每一個表演都係全力以赴做好，所以政治部份交畀公司處理，我嘅立場要清楚了解乜嘢叫維穩先。」記者解釋演唱會跟遊行撞時間搶客，杜德偉聞言後說：「哦！咁樣，我再同公司研究吓，我冇乜意願，好中立。」
負責製作的新城電台高層朱明銳昨日接受電話訪問，他指剛收到杜德偉的經理人通知，因檔期問題不能演出。對於接連有歌手辭演，朱明銳說：「我失望係因為呢個活動真係音樂交流，點知演變成政治誤會，歌手喺網上受攻擊，好唔公平。」
澳門維穩騷原定有逾30名中港台歌手參與，可以孭飛的謝安琪和張智霖等辭演，名單只餘下周筆暢、黃鴻升、糖妹、天堂鳥、Faith、蕊蕊和SuperGear等，號召力單薄。朱明銳說：「新加入歌手有太極樂隊、狄易達、HotCha、樂印姊妹同台灣嘅JPM、卓文萱、旺福樂隊。」會否追究退出歌手？他說：「交律師處理，大家放心，我哋同唱片公司、歌手關係良好，希望社會平和。」
採訪：皓騫
