【本報訊】當本土小店被地產霸權逼入橫街小巷再被逼上樓，港人的購物思維也有改變，購物時只會先想到上網「淘寶」。有年輕人為本土新舊小店成立非牟利網上購物平台，讓對方將貨品免費「上架」，將老店帶進新興的網上空間。營運幹事馮嘉儀（Kady）盼平台成為港版淘寶，發揚本土產品，「大家諗住買香港嘢嘅時候，就會上去搵」。
記者：袁柏恩
「以前香港人上網購物意識冇咁強，後來當淘寶進入咗大家生活，大家都習慣性上網搵嘢、買嘢，而我哋觀察到，好似開始唔係咁健康喇」。淘寶的廉價與方便，卻是香港本土產品的敵人，「大家一諗到買嘢，都去淘寶買。其實香港仲有好多特色同進口嘅產品，質量好好，嗰啲係淘寶唔會搵到嘅。」Kady幾乎每年都逛工展會，從前工展會只賣香港貨，現在約半都是內地貨或品牌，「連咁有香港標誌嘅地方，都賣大陸嘢！」
設免費送貨服務
Kady本身從事藝術工作，大學研究篆刻──源遠流長但已沒多少人認識的傳統書法雕刻。她將字體融入藝術品、開班和講解，讓字體以另一種姿態在新時代重生。網上購物平台也是同一個理念。近年不少有心人將小店放到網上宣傳，Kady的小店曾參與龐一鳴的「唔幫襯地產商的聖誕」行動，發現小店很受港人歡迎，她遂嘗試多行一步，「係店嘅角度，如果多個窗口可直接賣嘢更好」。平台模式參照一般網購流程，取貨地點視乎小店選擇，一般購物滿一定金額便免費送貨，迎合港人購物習慣。
不過，年輕一輩熟悉的購物方式，老店未必習慣。她試過請老店店主拍下貨品照片，結果「鬆郁濛」，惟有出資拍照、撰寫宣傳、放上網。Kady認為，將老店貨品放上網是一個互相學習的過程，「佢哋想繼續經營，都要接觸時代流行嘅購物趨勢，我哋亦可以了解上一代營運嘅智慧，諗吓仲有乜窗口可以做」。
好心人資助成立
Kady的想法得以成真，除了數名志同道合的朋友協力設計網頁和撰文外，亦有一名從前趁香港租金便宜創業賺到第一桶金的前輩，出資協助建立平台，「佢好感謝當年嘅環境令佢成功，眼見年輕人一個夢想就被租金扼殺，想幫佢哋一把。」網上平台叫138mall.com.hk，名稱正是這位好心人舊公司名字的諧音，以示感謝。
網上平台本月才正式發佈，有30多間店舖參與，包括本地農場、手工藝店，也有賣糧油雜貨，甚至進口食品批發商。Kady坦言目前尚在起步階段，店舖雖少，但各有故事，長遠當然盼能成為香港的「淘寶網」，「一開始都想淘寶加黃頁嘅方向，香港自家都有寶掏吖嘛！」