呢排先達場內話題，都係圍住SAMSUNG幾部手機走！首先係Note 3，早前受到S5推出拖累，機價長期停留在$3,800-$3,900水平，不過3GB RAM的爽快感，現在場內真係唔太多手機畀到，加上假期前缺貨，所以機價被搶上四千頭價位，預計會企穩一段時間。
S5推出首個星期去貨量一般，今個星期銷數略見穩定；以$5,280的機價買一部2.5GHz四核手機，的確令人要觀望多一點；據知好多用家反映，S5操控感不俗，而且更愛死佢電量剩餘10%時會變「黑白芒」，使用時間可以大大增出近一倍！至於機價暫時仍未炒得起，好多Sales都話非常飲恨。
Note 3同S5去數喘定，S4二手價就馬上當災！早前仲收緊$2,400-$2,500價位，剛收到最新收機價係$2,100。
宇宙電訊（旺角亞皆老街83號先達廣場地下G63B/G91/G100）