般尼喺周一嘅英冠主場以2:0擊敗韋根之後,肯定可以坐穩今屆英冠頭兩位,同李斯特城攜手直接升上英超。唔講唔知,原來呢次已經係般尼領隊戴治第5次升班,但之前4次就喺佢仲踢緊波嘅時候,今次係首次以領隊身份帶領球隊升班,所以佢話特別開心。另一邊廂,德國老牌球會科隆就仲威,喺德乙主場以3:1挫波琴後,肯定以冠軍身份來季升上德甲。