【本報訊】根據政府的方案，跨性別人士要成婚，只有永久絕育一途。平機會主席周一嶽強調，讓拒絕高危手術者得到婚權，並非推動同性婚姻，社會人士不應混淆。他亦不同意此安排會導致「露體」及「偷窺」罪案湧現，「入洗手間唔係人人都去睇吓其他人性器官，個個去廁所都係解決自己嘅問題㗎啦。」
應研Gender X可能性
周一嶽接受本報專訪時說：「跨性別人士有一定比例唔想接受手術，專家話大約有六至七成，如果呢個權利（婚權）只可以畀到30到40%做晒手術嘅人，其他人冇呢個權利，係冇意思。」政府把接受整項性別重置手術的要求寫進法例中，等同要求跨性別人士絕育，違反國際人權標準，「用聯合國人權嘅眼光嚟睇，係太過壓迫性、侮辱性，好多國家都漸漸唔容許硬性規定做手術」。
周一嶽指，當局的建議只符合了終院的其中一項要求，讓與W小姐有相同情況的人士有權結婚，但法院提到處理性別認同的程序和性別承認法的具體安排，仍有待律政司領導的小組研究，「至少兩、三年之後先有性別承認法，呢段時間容易被人（法律上）挑戰」。
他舉例，在外國轉換性別身份的人士，未必完成了所有手術，來港後使用醫療、銀行服務等，均可能遇到問題，若當局不容許他們以證件上的性別結婚，可能引發訴訟，「而且咁樣做亦都畀人一個錯覺，以為政府對於性別承認法已經有一個判斷」。
本身是骨科醫生的周一嶽，多年前曾主管公立醫院性別認同障礙人士小組。他指，跨性別人士對於身體的要求程度不同，「有啲人可能化咗妝、髮型改變已經得，有啲人更有決心，用荷爾蒙或者手術割除性器官……有個所謂光譜，我哋尊重每個人嘅選擇」。他指性別重置手術有一定風險，「唔係100%成功，可能會有併發症」。當局亦應一併研究Gender X（第三性）的可能性，令不肯定自己情況的人士有出路。
有意見指不加入手術要求會令社會混亂，他並不同意，「入洗手間唔係人人都去睇吓其他人性器官，個個去廁所都係解決自己嘅問題，唔需要咁恐慌」。真正的跨性別人士擔心身份曝光，絕不會刻意展露原生的性器官。
周一嶽相信透過改善公共設施，如提供獨立廁格或中性洗手間等，既保障私隱，亦可方便所有人。
平機會至今接7歧視投訴
他不認為當局今次處理婚姻條例的目的是討論同性婚姻，「法庭講緊嘅係改變為其認同嘅性別身份，即係其實都係男女婚姻，話會引致同性婚姻嘅講法唔正確」。
他尊重宗教人士的看法，「我知天主教會係認為唔應該做變性手術，出世嗰個性別就係你嗰個性別，你做咗性別認同後（轉性別），結婚就會變咗同性婚姻」。但這概念，在法律和醫學上均不正確，
平機會創立至今，共接到七名跨性別人士就歧視情況作投訴，但目前的反歧視條例不包括婚姻。周一嶽認為現時以殘疾歧視條例來處理跨性別人士個案並不理想，一條全新，包含性傾向、性別認同及雙性人士的歧視條例將更為合適。