張栢芝客席主持商台節目《大龍鳳》，當大家高度關注栢芝會搞甚麼大龍鳳，她竟突然跟大家玩失憶。在昨日凌晨的錄音訪問中，主持Rick Chin大讚好友栢芝，是一個不記仇的人，並說：「當一段戀情quit咗，一定會比較痛恨另一半，好多人會容易犯下呢個錯誤，不過喺我記憶中，佢冇喺我面前講過舊時嗰個點點點，佢又點樣對我，點解你可以做到呢樣嘢呢？」
「做錯過好多事」
這句說話一出，就已經肯定Rick Chin記憶有誤，栢芝09年曾經接受有線訪問，數臭爆出淫照事件的舊愛陳冠希，又指他事後從沒有親自道過一次歉。11年與霆鋒離婚後，又在報章訪問中，狂數霆鋒整天戴墨鏡扮型兼做人假，甚至不理兩個兒子！
估不到連當事人栢芝也齊齊失憶，她接棒說：「Never look back，以前嘅事過去咗，我就唔再諗，因為我有個宗旨，過得人過得自己，大家要互相尊重。所以好少埋怨男朋友或同過我一齊嘅人，因為每個人都有缺點，我都有好多缺點，會將缺點縮小，優點放大，就係包容兩個字。」栢芝在節目中，更表示無悔曾經結婚生仔。
曾經滿天神佛的栢芝，又親口承認在近十年內曾三度叛教，她說：「呢十年內，我離開主三次，今次堅決返到神身邊，因為我知道自己係罪人，犯過好多罪，做錯過好多事。」
撰文：非非
