唐英年以前做政務司司長時，曾擔大旗推銷過政改；𠵱家雖然退下火線，但身為全國政協委員嘅佢，都好樂意幫手硬銷吓政改。繼行會成員陳智思以波為喻，話踢波要跟球例、政改要跟《基本法》後，唐唐就hard sell《基本法》45條，話提名委員會好鬼重要，而任何繞過提委會嘅提名特首方案都好難符合《基本法》喎。唐唐呢次企定定，冇金句又冇四萬笑容，冇乜驚喜；八方反而留意到，佢喺短片戴嘅藍呔，係佢選特首時嘅宣傳主色，而藍呔堪稱佢嘅選舉戰呔。喺2012年選舉敗於獲中央欽點狼英嘅佢以呢條戰呔上陣，莫非有弦外之音？雖然大家認定唐唐口齒唔伶俐，但據聞佢拍片時冇乜NG。